القصيده التي اعتقلت
صاحبها
كفايه طوارئ
أمين
الديب
ما هي الطوارئ من زما ن
وبيحسدونا الأمريكان
ومن زمان متكتفين
والجامعه فيها المرشدين
بيراقبوا كل المسلمين
وأي واحد ملتزم
بالذات ولاد الفلاحين
الأمن واقف ضدهم
ومفيش كمان اشغال لهم
بعد التخرج عندهم
اكمنهم متسجلين
اما اللي سايبين شعرهم
فوق كتفهم
والدين ماعدش يهمهم
بيقولوا عنهم فنانين
وانتم وأنا
وكبار شيوخ المسلمين
متكتفين
ماهي الطوارئ شأنها
تخويف شباب المؤمنين
واي واحد منهم
كان له طلب
او له جواب تعيين
الأمن ممكن يرفضه
من غير لا سين ولا جيم
مش فيه طوارئ في البلد ؟؟
والحكم
فيه للعسكري
وإن كان مفتري
والسلطه في ايديه مطلقه
يصبح كدا الشعب دا
بين الشاكوش والمطرقه
في ايه بأه
تشكيه لمين ؟؟؟
وتقول لمين ؟؟؟؟
إن الطوارئ عار
وبتلغي الاستقرار
وتزود الإرهاب
واللي يقول غير كده
يبق البعيد كداب
وفيه بلاء واعتداء
علي كل حريه
والبلطجيه
بتحميها الوطنجيه
اما السلامه ياناس
دي حاجه منسيه
ان الطوارئ بتحمي
حاله وقتيه
او ناس في حالةحرب
او شئ يضر الشعوب
او حرب اهليه
واحنا مفيش كل دا
عايشين في حريه
حسب كلامهم وأقوالهم
في كل زمان
دي واحة امان
وحالتها مرضيه
يبقي الطوارئ
لزومها ايه يا افنديه ؟؟؟
من يوم ما مات السادات
عايشين في حريه
لزومها ايه للنهارده
حكمها موجود
هي الطوارئ ياناس
مش برضه ليها حدود ؟؟؟
